(ភ្នំពេញ)៖ អាកាសយានដ្ឋានអន្តរជាតិទាំង ៣ នៅប្រទេសកម្ពុជា ក្នុងខែតុលានេះ បានរំកិលខ្លួនទៅជាព្រលានយន្តហោះបៃតងកម្រិតទី ២ ក្នុងកម្មវិធីចាត់លំដាប់ការកាត់បន្ថយការផ្សែងកាបូននៅព្រលានយន្តហោះជុំវិញពិភពលោក ឬ Airport Carbon Accreditation Programme របស់ក្រុមប្រឹក្សាអាកាសយានដ្ឋានអន្តរជាតិ (ACI)។

ក្រុមហ៊ុន Cambodia Aiports ប្រកាសថា នៅក្នុងខែតុលានេះ អាកាសយានដ្ឋានអន្តរជាតិទាំង៣របស់កម្ពុជា បានសម្រេចការធ្វើឲ្យប្រសើរឡើងដល់កម្រិតទី២ ​នៃកម្មវិធីទទួលស្គាល់គុណភាពនៃការកាត់បន្ថយកាបូននៅអាកាសយានដ្ឋាន (Airport Carbon Accreditation) ដែលបានចាប់ផ្តើមនៅឆ្នាំ២០០៩ ដែលជាគំនិតផ្តួចផ្តើមរបស់ក្រុមប្រឹក្សាអាកាសយានដ្ឋានអន្តរជាតិ(ACI)។ 

Cambodia Aiports បានបន្តថា កម្មវិធីនេះគ្រប់គ្រងនិងផ្ទៀងផ្ទាត់ដោយឯករាជ្យ ហើយមានវិញ្ញាបនប័ត្រចំនួន៤ កំរិតគឺ ការសិក្សា ការកាត់បន្ថយ ការបង្កើន​ប្រសិទ្ធិភាព និងអព្យាក្រឹតភាព។ វិញ្ញាបនប័ត្រថ្មីនេះបានបង្ហាញពីការខិតខំប្រឹងប្រែងឥតឈប់ឈររបស់យើង ដើម្បីប្រយុទ្ធប្រឆាំងនឹងការប្រែប្រួលអាកាសធាតុ៕