(ភ្នំពេញ)៖ ឯកឧត្តមនាយ​ឧត្តមសេនីយ៍សន្តិបណ្ឌិត នេត សាវឿន អគ្គស្ហងការនគរបាលជាតិនៃក្រសួងមហាផ្ទៃ បានណែនាំដល់ថ្នាក់ដឹកនាំក្រោមឱវាទ អគ្គរង នាយកដ្ឋាន និងស្នងការខេត្ត ដែលមានទំនាក់ទំនងជាមួយឯកឧត្តម ត្រូវភ្ញាក់រលឹកទៅធ្វើតេស្ដ និងធ្វើចត្តាឡីស័កឲ្យបានគ្រប់គ្នា ដើម្បីទប់ស្កាត់ការរីករាលដាលជំងឺកូវីដ១៩។

សារសំឡេងណែនាំរបស់ឯកឧត្តម នេត សាវឿន នាព្រឹកថ្ងៃទី២៩ ខែវិច្ឆិកានេះ បានធ្វើឡើងបន្ទាប់ពីឯកឧត្តម ឆែម សាវុធ អគ្គនាយកពន្ធនាគារនៃក្រសួងមហាផ្ទៃ និងក្រុមគ្រួសារ ត្រូវបានរកឃើញថាឆ្លងជំងឺកូវីដ–១៩។ ឯកឧត្តម ឆែម សាវុធ បានចូលរួមប្រជុំការងារជាមួយថ្នាក់ដឹកនាំក្រសួងមហាផ្ទៃ កន្លងមក ហើយដែលតម្រូវឲ្យអ្នកមានទំនាក់ទំនងត្រូវចូលរួមធ្វើចត្តាឡីស័ក៕