(អន្តរជាតិ)៖ ក្រុមហ៊ុន Twitter បាននិយាយកាលពីថ្ងៃសុក្រថាខ្លួនកំពុងដាក់ការរឹតត្បឹត និងបន្ថែមស្លាកព្រមានថ្មីៗ ដើម្បីបន្ថយការផ្សព្វផ្សាយព័ត៌មានមិនពិត អំពីការបោះឆ្នោតប្រធានាធិបតីអាមេរិក។ នេះបើយោងតាមការចុះផ្សាយរបស់សារព័ត៌មាន NHK នៅថ្ងៃទី១០ ខែតុលា ឆ្នាំ២០២០។

ក្រុមហ៊ុន Twitter បានឱ្យដឹងថា ចាប់ពីថ្ងៃទី២០ ខែតុលា ដល់ចុងបញ្ចប់នៃសប្តាហ៍បោះឆ្នោតនៅសហរដ្ឋអាមេរិក អ្នកប្រើប្រាស់ទូទាំងពិភពលោកនឹងត្រូវបានលើកទឹកចិត្តឱ្យផ្អាកនិងគិតជាមុន មុនពេលពួកគេចុច «retweet»។

វេទិកាប្រព័ន្ធផ្សព្វផ្សាយសង្គមមួយនេះក៏នឹងដាក់ flag tweet ដែលប្រកាសអំពីជ័យជម្នះជាមុន និងលុបចោលនូវអ្វីដែលជំរុញឱ្យប្រជាជនជ្រៀតជ្រែកក្នុងដំណើរការបោះឆ្នោត តាមរយៈសកម្មភាពហិង្សាណាមួយ។

ការប្រកាសលទ្ធផលបោះឆ្នោតអាចត្រូវបានពន្យារពេល ដោយសារតែពេលវេលាដែលក្នុងការរាប់ចំនួនសន្លឹកឆ្នោតដែលផ្ញើតាមអ៉ីម៉ែល មានចំនួនច្រើនមិនធ្លាប់មានពីមុនមក។

ជាមួយគ្នានេះក្រុមហ៊ុនប្រព័ន្ធផ្សព្វផ្សាយសង្គមផ្សេងៗទៀតក៏បានរឹតបន្តឹងវិធានការប្រឆាំងនឹងការផ្សាយពាណិជ្ជកម្មនយោបាយ និងផ្សព្វផ្សាយព័ត៌មានមិនត្រឹមត្រូវអំពីការបោះឆ្នោតផងដែរ៕