(សៀមរាប)៖ កាលពីថ្ងៃទី២៨ ខែតុលា ឆ្នាំ២០២០ វេលាម៉ោង ១០:០០នាទី នៅបន្ទប់ប្រជុំសាលាខេត្តបានរៀបចំពិធីជួបពិភាក្សាការងារស្តីពីវឌ្ឍនភាព ការពិនិត្យ សិក្សា និងជំរុញការងារកាត់ឆ្វៀលដីគម្រប់ព្រៃឈើឆ្នាំ២០០២ ដែលប្រជាពលរដ្ឋប្រើប្រាស់ និងអាស្រ័យផលជាក់ស្តែង ក្នុងដែនសមត្ថកិច្ចគ្រប់គ្រងរបស់ក្រសួងកសិកម្ម រុក្ខាប្រមាញ់ និងនេសាទ ដឹកនាំដោយឯកឧត្តម អ៊ុង សំអាត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងប្រតិភូអមដំណើរ និងលោក ង៉ាន់ ភិរុណ អភិបាលរងខេត្ត តំណាងឯកឧត្តម ទៀ សីហា អភិបាល នៃគណៈអភិបាលខេត្ត និង ដោយមានការអញ្ជើញចូលរួមពីលោក នាយករដ្ឋបាលសាលាខេត្ត លោក ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោក ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត និងមន្ត្រីជំនាញពាក់ព័ន្ធផងដែរ ។

កិច្ចប្រជុំពិភាក្សានេះ បានផ្តោត និងជំរុញដល់ក្រុមការងារអនុវត្តការកាត់ឆ្វៀលដីគម្រប់ព្រៃឈើឆ្នាំ២០០២ ក្នុងដែនសមត្ថកិច្ចគ្រប់គ្រងរបស់ក្រសួងកសិកម្ម រុក្ខាប្រមាញ់ ដែលប្រជាពលរដ្ឋបានកាន់កាប់ និងអាស្រ័យផលជាក់ស្តែង ដើមី្បកំណត់ព្រំឱ្យបានច្បាស់សាល់និងងាយស្រួលគ្រប់គ្រង និងធ្វើការទប់ស្កាត់ការរុករានទន្រ្ទានដីរដ្ឋគ្រប់ប្រភេទ សំខាន់នៅតំបន់ដែលស្ថិតនៅក្នុងដីគម្រប់ព្រៃឈើ៕