(ភ្នំពេញ)៖ លោកជំទាវ អេវ៉ា ង្វៀន ប៊ិញ​ ឯកអគ្គរដ្ឋទូតបារាំងប្រចាំកម្ពុជា បានជួបជាមួយគ្រូពេទ្យដែលនឹងទៅ​បន្តការសិក្សាវគ្គជំនាញឯកទេសនៅប្រទេស​បារាំង នៅថ្ងៃទី២៦​ ខែតុលានេះ នៅសាកលវិទ្យាល័យវិទ្យាសាស្រ្តសុខាភិបាល ដោយមានវត្តមានចូលរួមពីសំណាក់ ឯកឧត្តម សាស្រ្តាចារ្យ អេង ហួត​ រដ្ឋលេខាធិការក្រសួងសុខា​ភិ​បាល និងឯកឧត្តម សាផុន វឌ្ឍនៈ សាកលវិទ្យាធិការនៃសាកលវិទ្យាល័យវិទ្យាសាស្រ្តសុខាភិបាល។

ស្ថានទូតបារាំងប្រចាំកម្ពុជាបានឲ្យដឹងថា ចាប់ពីឆ្នាំ១៩៩៦ដល់ឆ្នាំ២០២០ និស្សិតកម្ពុជាផ្នែកវេជ្ជសាស្រ្តប្រមាណ ៨០០នាក់ បានទៅបន្តការសិក្សានៅប្រទេស​បារាំង។ ឆ្នាំនេះ​ គ្រូពេទ្យកម្ពុជា៧២រូបនឹងទៅ​បន្តការសិក្សាវគ្គជំនាញឯកទេសនៅប្រទេស​បារាំង។ ស្ថានទូតបារាំងបានបន្តថា កិច្ចសហប្រតិបត្តិការបារាំង-កម្ពុជា ក្នុងវិស័យសុខាភិបាលគឺជាអាទិភាពមួយ ហើយកាន់តែមានសារសំខាន់ថែមទៀតក្នុងបរិបទនៃជំងឺកូវីដ១៩៕