(ភ្នំពេញ)៖ ឯកឧត្តម ឈឹម សៅគី រដ្ឋលេខាធិការ តំណាងឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នៅថ្ងៃព្រហស្បតិ៍ ១៤កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០១ ខែតុលា ឆ្នាំ២០២០ បានអញ្ជើញចូលរួមជាអធិបតីក្នុងពិធីបិទសិក្ខាសាលាស្តីពី «ការលើកកម្ពស់សមត្ថភាពដឹកនាំ និងគ្រប់គ្រងអង្គភាពអភិវឌ្ឍន៍ជនបទថ្នាក់ខេត្ត» ជូនដល់លោក លោកស្រី ប្រធាន និងអនុប្រធានមន្ទីរអភិវឌ្ឍន៍ជនបទរាជធានី-ខេត្ត ទាំង២៥ ក្នុងគោលបំណងលើកកម្ពស់សមត្ថភាពថ្នាក់ដឹកនាំមន្ទីរអភិវឌ្ឍន៍ជនបទលើការរៀបចំ និងគ្រប់គ្រងការងារអភិវឌ្ឍន៍ជនបទនៅតាមបណ្តាខេត្តនីមួយៗ ដែលរៀបចំដោយ នាយកដ្ឋានបណ្តុះបណ្តាល និងស្រាវជ្រាវ នៅសាលប្រជុំជាន់ទី៣ ទីស្តីការក្រសួងអភិវឌ្ឍន៍ជនបទ៕