(ភ្នំពេញ)៖ បើយោងតាមការចុះផ្សាយរបស់ស្ថានទូតអាមេរិកនៅកម្ពុជា និងការចុះផ្សាយបន្តដោយសារព័ត៌មាន ចិន បានបញ្ជាក់ថា ក្រសួងរតនាគារសហរដ្ឋអាមេរិក បានប្រកាសទណ្ឌកម្មប្រឆាំងនឹងបុគ្គលពុករលួយ និងបណ្តាញរបស់ពួកគេ នៅក្នុងប្រទេសមួយចំនួន នៅតំបន់អាហ្វ្រិក និងអាស៊ី ដែលរួមមានឈ្មោះ Wan Kuok-koi ហៅ Broken Tooth ដែលជាពាណិជ្ជករផ្នែក ល្បែង និងជាមេដឹកនាំម្នាក់ នៃសមាគម World Hongmen History and Culture Association នៅកម្ពុជា។

កាសែតចិន បានហៅលោក Broken Tooth ថាជា «បងធំម៉ាកាវ» និងបង្ហាញព័ត៌មានជ្រៅលម្អិតជាងនេះ។ កាសែត ចិន បន្តថា៖ គាត់ជាម្ចាស់កម្មសិទ្ធិនៃ «មុខរបរផ្នែកល្បែង» នៅកម្ពុជា ហុងកុង និង Palau។ ចាប់តាំងពីរដ្ឋាភិបាលកម្ពុជា បានគិតត្រឹមត្រូវ ក្នុងការបិទល្បែងស៊ីសងតាមអ៊ិនធឺណែត នៅខែសីហា ឆ្នាំ២០១៩ មក Broken Tooth បានស្វែងរកគោលដៅថ្មីផ្សេងទៀត ដូចជានៅប្រទេសភូមាជាដើម៕