(ភ្នំពេញ)៖ ក្រសួងវប្បធម៌ និងវិចិត្រសិល្បៈ បានជូនដំណឹងឲ្យបន្តផ្អាកជាបណ្ដោះអាសន្នបន្តទៀត នូវការ​ចូលទស្សនាសារមន្ទីរ រោងភាពយន្ត និងរោងសម្ដែងសិល្បៈគ្រប់ប្រភេទនៅទូទាំងប្រទេស ដោយសារតែជំងឺ​កូវីដ-១៩នូវបន្តរាតត្បាតនៅឡើយ។

សេចក្ដីជូនដំណឹងរបស់ក្រសួងវប្បធម៌ និងវិចិត្រសិល្បៈ ផ្សព្វផ្សាយនៅថ្ងៃទី១១ ខែធ្នូនេះ បានសរសេរថា «ដោយ​មើលឃើញពីផលប៉ះពាល់នៃជំងឺកូវីដ-១៩ ព្រឹត្តិ ការណ៍សហគមន៍២៨វិច្ឆិកា នៅតែបន្តរីករាល​ដាល​ទៅក្នុងសហគមន៍ និងដើម្បីចូលលរួមទប់ស្កាត់ការរីករាលដាលនេះ ក្រសួងវប្បធម៌ និងវិចិត្រសិល្បៈ សូមបន្ត​ផ្អាកជាបណ្ដោះអាសន្ន ការចូលទស្សនាសារមន្ទីរ រោងភាពយន្ត និងរោងសម្ដែងសិល្បៈ គ្រប់ប្រភេទទូទាំង​ប្រទេស ចាប់ពីថ្ងៃជូនដំណឹងនេះតទៅ រហូតដល់មានសេចក្ដីជូនដំណឹងសារជាថ្មី»៕