(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី១០ ខែធ្នូ ឆ្នាំ២០២០នេះ បានថ្វាយសារលិខិត ថ្វាយព្រះមហាក្សត្រជីវិតតម្កល់លើត្បូង ដោយថ្លែងអំណរព្រះគុណជាអតិបរមា ចំពោះព្រះអង្គ ដែលបានសព្វព្រះរាជហឫទ័យប្រោសព្រះរាជទាននូវថវិកា៥សែនដុល្លារ ជូនសម្តេចសម្រាប់ចូលរួមទិញវ៉ាក់សាំង កូវីដ១៩ ដើម្បីចាក់ជូនប្រជាពលរដ្ឋដោយឥតគិតថ្លៃ។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១០ ខែធ្នូ ឆ្នាំ២០២០ដដែលនេះ ក៏បានថ្វាយសារលិខិត ថ្វាយ​សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ដោយថ្លែងអំណរព្រះគុណជាអតិបរមា ចំពោះព្រះអង្គដែលបានសព្វព្រះរាជហឫទ័យ ប្រោសព្រះរាជទាននូវថវិកា៥សែនដុល្លារ ជូនសម្តេចសម្រាប់ចូលរួមទិញវ៉ាក់សាំងកូវីដ១៩ ដើម្បីចាក់ជូនប្រជាពលរដ្ឋដោយឥតគិតថ្លៃ៕