(អន្តរជាតិ)៖ អនុរដ្ឋមន្រ្តីក្រសួងការបរទេសចិន លោក Zheng Zeguang នៅថ្ងៃអង្គារនេះ បានកោះហៅភារៈធារីនៃស្ថានទូតសហរដ្ឋអាមេរិកប្រចាំនៅទីក្រុងប៉េកាំង ដើម្បីសាកសួរជុំវិញវិធានការថ្មីរបស់សហរដ្ឋអាមេរិក ដែលបានសម្រេចដាក់ទណ្ឌកម្មរិតត្បិតទិដ្ឋការលើមន្ត្រីចិន។

ការកោះហៅមន្ត្រីទូតអាមេរិកនេះ ធ្វើឡើងបន្ទាប់ពីសប្តាហ៍មុន ក្រសួងការបរទេសអាមេរិកបានសម្រេចរឹតត្បិតទិដ្ឋការរបស់សមាជិកបក្សកម្មុយនិស្តចិន លើការចេញចូលទឹកដីអាមេរិក ដោយមានការរឹតត្បិត ហើយបន្ថយពីផ្តល់រយៈពេលចូលពី១០ឆ្នាំ មកនៅត្រឹម១ខែ ហើយចូលបានតែម្តង៕