(ប៉េកាំង)៖ ប្រធានាធិបតីចិន លោក ស៊ី ជីនពីង បានអះអាងថាប្រទេសចិនមានឆន្ទៈក្នុងការពង្រឹងទំនាក់ទំនង និងកិច្ចសហប្រតិបត្តិការអន្តរជាតិ នៅក្នុងវិស័យអប់រំ និងបច្ចេកវិទ្យា។ នេះបើយោងតាមការចុះផ្សាយរបស់សារព័ត៌មាន CGTN នៅថ្ងៃទី០៣ ខែធ្នូ ឆ្នាំ២០២០។
លោកស៊ី បានថ្លែងនៅក្នុងសុន្ទរកថាតាមប្រព័ន្ធវីដេអូក្នុងសន្និសីទឆ្នាំ២០២០ នៃគណៈកម្មាធិការនៃវិទ្យាស្ថានគ្រប់គ្រងសេដ្ឋកិច្ចនៃសកលវិទ្យាល័យTsinghua ដើម្បីអបអរសាទរគណៈកម្មាធិការបានបង្កើតឡើងគម្រប់ ២០ឆ្នាំ។
លោកស៊ី បានថ្លែងថា ជំងឺកូវីដ-១៩នៅតែរីករាលដាលនៅទូទាំងពិភពលោកដដែល បាននាំមកនូវផលប៉ះពាល់យ៉ាងធ្ងន់ធ្ងរដល់សេដ្ឋកិច្ចពិភពលោក។ បណ្តាប្រទេសនានាគួរតែបង្កើនកិច្ចសហប្រតិបត្តិការ ប្រកាន់ខ្ជាប់ពហុភាគីនិយម រួមគ្នាតទល់នឹងបញ្ហាប្រឈម។
ប្រទេសចិនកំពុងបង្កើតនិម្មាបនកម្មអភិវឌ្ឍន៍ថ្មីដែលចាត់ទុកដំណើរវិលជុំក្នុងស្រុកជាសំខាន់ ដំណើរវិលជុំក្នុងស្រុកនិងអន្តរជាតិជំរុញគ្នាទៅវិញទៅមក៕
