(ប៉ារីស)៖ អតីតប្រធានាធិបតីបារាំងលោក Valery Giscard d’Estaing ដែលបានដឹកនាំប្រទេសបារាំងចូលទៅក្នុងយុគសម័យទំនើប និងជាស្ថាបត្យករដ៏សំខាន់នៃការធ្វើសមាហរណកម្មអឺរ៉ុបនៅដើម ទសវត្សរ៍ឆ្នាំ១៩៧០ បានទទួលមរណភាពហើយ ក្នុងជន្មាយុ៩៤ឆ្នាំ បន្ទាប់ពីបានតស៊ូនឹងជំងឺកូវីដ១៩មួយរយៈ។

លោកអតីតប្រធានាធិបតីបារាំង Giscard ត្រូវបានបញ្ជូនទៅមន្ទីរពេទ្យជាច្រើនដងក្នុងមួយខែចុងក្រោយនេះ។ ក្រុមគ្រួសារបាននិយាយនៅក្នុងសេចក្តីថ្លែងការណ៍មួយផ្ញើទៅកាន់ទីភ្នាក់ងារសារព័ត៌មានបារាំង AFP ថា៖ «ស្ថានភាពសុខភាពរបស់គាត់កាន់តែអាក្រក់ទៅៗ ហើយគាត់បានទទួលមរណភាពដោយសារការធ្វើទុក្ខពីជំងឺកូវីដ១៩»។

លោក Giscard ជាមេដឹកនាំបារាំងពីឆ្នាំ ១៩៧៤ ដល់ឆ្នាំ១៩៨១ ហើយបានក្លាយជាប្រធានាធិបតីនៅអាយុ៤៨ឆ្នាំ គឺជាឥស្សរជនវ័យក្មេងបំផុត ដែលបានជាប់ឆ្នោតនៅសតវត្សរ៍ទី២០ និងបានចាប់ផ្តើមបង្កើតការកំណែទម្រង់បែបរ៉ាឌីកាល់មួយ ដែលរួមមានការធ្វើឱ្យស្របច្បាប់នៃការរំលូតកូន ការធ្វើសេរីភាវូបនីយកម្មនៃការលែងលះ និងការបន្ថយអាយុបោះឆ្នោតដល់អាយុ១៨ឆ្នាំ៕