(ខេត្តសៀមរាប)៖ រដ្ឋបាលខេត្តសៀមរាប បានជូនដំណឹងថា ឯកឧត្តម អ៊ឹង ហឿន ប្រធានក្រុមប្រឹក្សាខេត្តសៀមរាប អាណត្តិទី៣ បានទទួលមរណភាព នៅថ្ងៃចន្ទ ៨កើត ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៣ ខែវិច្ឆិកា ឆ្នាំ២០២០ វេលាម៉ោង ២១:២០នាទី ក្នុងជន្មាយុ ៧២ឆ្នាំ ដោយរោគាពាធ។
តាមសេចក្តីប្រកាស សព ឯកឧត្តម អ៊ឹង ហឿន តម្កល់ធ្វើបុណ្យទក្ខិណានុប្បទាន តាមប្រពៃណី និងសាសនា នៅគេហដ្ឋានសព ស្ថិតនៅភូមិទ្រៀក សង្កាត់សៀមរាប ក្រុងសៀមរាប ខេត្តសៀមរាប ខាងត្បូងផ្លូវបំបែកក្រវ៉ាត់ក្រុង ចម្ងាយប្រមាណ ២៥០ម៉ែត្រ៕



