(កំពង់ស្ពឺ)៖ ផ្លូវជាតិលេខ៥១ ចំណុចគីឡូម៉ែត្រលេខ២៧+៥០០ ដែលជន់លិចដោយជំនន់ទឹកភ្លៀងបានស្រកហើយ ជាមួយគ្នានេះ រថយន្តធំក៏អាចធ្វើដំណើរបានធម្មតាវិញដែរ។ នេះបើតាមការឲ្យដឹងពីឯកឧត្តម វ៉ី សំណាង អភិបាលខេត្តកំពង់ស្ពឺ។

ឯកឧត្តមបានជូនដំណឹងបញ្ជាក់នៅព្រឹកថ្ងៃទី២១ ខែតុលានេះថា៖ «សូមជម្រាបជូនដំណឹងដល់សាធារណៈជនមេត្តាជ្រាបថា÷ យប់ថ្ងៃទី 21 ខែតុលាឆ្នាំ2020 ករណីជន់លិចដោយជំនន់ទឹកភ្លៀងនៅចំណុចគីឡូម៉ែត្រលេខ២៧+៥០០ លើផ្លូវជាតិលេខ៥១ កាលពីម្សិលមិញនោះ បានស្រកហើយ។ បងប្អូនដែលមានរថយន្ត​ដឹ​កជញ្ជូនធំៗ អាចដំណើរការបានជាធម្មតា។ សូមអរគុណ!»៕