(ភ្នំពេញ)៖ ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យចុះថ្ងៃទី១៥ ខែធ្នូ ឆ្នាំ២០២០ ត្រាស់បង្គាប់តែងតាំងមុខតំណែងឯកឧត្តម សុខ សង្វារ ជាអនុរដ្ឋលេខាធិការ នៃក្រសួងទេសចរណ៍។
ឯកឧត្តម សុខ សង្វារ នៅឆ្នាំ២០២០នេះ មានអាយុ ៣៣ឆ្នាំ ជាកូនប្រុសពៅរបស់សម្តេច សុខ អាន មានតួនាទីអគ្គនាយករងអាជ្ញាធរជាតិអប្សរា។ កាលពីថ្ងៃទី១៦ ខែធ្នូ ឆ្នាំ២០២០នេះ ឯកឧត្តម សុខ សូកាន មានអាយុ៣៥ឆ្នាំ ជាកូនប្រុសទីពីររបស់សម្តេច សុខ អាន ត្រូវបានតែងតាំងជារដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់។
សូមជម្រាបដែរថា កូនប្រុសទាំង៤រូបរបស់សម្តេចវិបុលបញ្ញា សុខ អាន មានតួនាទីក្នុងរាជរដ្ឋាភិបាលក្នុងនោះរួមមាន៖ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍, ឯកឧត្តម សុខ សូកាន រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់, ឯកឧត្តម សុខ សូកេន អនុរដ្ឋលេខាធិការ ក្រសួងការបរទេស, ឯកឧត្តម សុខ សង្វារ អនុរដ្ឋលេខាធិការ ក្រសួងទេសចរណ៍៕
