(សហរដ្ឋអាមេរិក)៖ ប្រធានាធិបតីអាមេរិក លោក ដូណាល់ ត្រាំ បានប្រកាសឱ្យដឹងនៅថ្ងៃនេះថា រដ្ឋមន្ត្រី​ក្រសួង​យុត្តិធម៌​សហរដ្ឋអាមេរិក​ លោក William Barr នឹងលាលែងពីតំណែង។ នេះបើយោងតាមការចុះផ្សាយរបស់សារព័ត៌មាន CGTN ថ្ងៃទី១៥​ ខែធ្នូ ឆ្នាំ២០២០។

លោក William Barr នឹងលាឈប់មុនថ្ងៃបុណ្យណូអែល ពោលគឺនៅថ្ងៃទី២៣ ខែធ្នូ ដោយ អនុរដ្ឋមន្ត្រីក្រសួងយុត្តិធម៌ លោក Jeff Rosen នឹងក្លាយជារដ្ឋមន្ត្រីស្ដីទីនៃក្រសួងយុត្តិធម៌។

លោក Trump បាននិយាយថា លោក Barr បានទៅកាន់សេតវិមានកាលពីថ្ងៃច័ន្ទ និងបានដាក់ពាក្យសុំលាលែងពីតំណែង។ លោករដ្ឋមន្ត្រី និងលោក Trump បានខ្វែងគំនិតគ្នា ជុំវិញការលួចបន្លំសនឹ្លកឆ្នោត ដោយកាលពីដើមខែធ្នូ លោករដ្ឋមន្ត្រីក្រសួងយុត្តិធម៌ បានអះអាងថា​មិន​បាន​រកឃើញ​ការ​លួច​បន្លំ​សន្លឹកឆ្នោត​ដូចការលើកឡើងរបស់ លោក Trump ឡើយ៕