(ភ្នំពេញ)៖ ក្រសួងសុខាភិបាល បានប្រកាសថា ការធ្វើតេស្តវត្ថុសំណាក លើកទី៣ នៅថ្ងៃទី១២ ខែធ្នូ ឆ្នាំ២០២០ សរុបមានចំនួន ៨៨១៤ សំណាក ដោយបូកនឹងវត្ថុសំណាក នៅសល់ចំនួន ៦៨សំណាក ពីថ្ងៃទី១១ ខែធ្នូ ឆ្នាំ២០២០ វត្ថុសំណាកសរុបមានចំនួន ៨៨៨២សំណាក ដែលនៅក្នុងចំនួននេះ មានចំនួន ៣០០២ សំណាក ត្រូវបានធ្វើវិភាគដោយវិទ្យាស្ថានប៉ាស្ទ័រកម្បុជា នៅថ្ងៃទី១២ ខែធ្នូ ឆ្នាំ២០២០ គឺលទ្ធផល អវិជ្ជមានវីរុសកូវីដ១៩ ទាំងអស់។ ដោយឡែក មាននៅសល់វត្ថុសំណាក ចំនួន ៥៨៨០ សំណាកទៀត ដែលត្រូវធ្វើវិភាគបន្ត នៅថ្ងៃទី១៣ ខែធ្នូ ឆ្នាំ២០២០។
ក្រសួងសុខាភិបាល បានប្រកាសថា សរុបអ្នកជំងឺកូវីដ១៩ ដែលមានរកឃើញពាក់ព័ន្ធទៅនឹងព្រឹត្តិការណ៍សហគមន៍២៨វិច្ឆិកា ពីថ្ងៃទី២៨ ខែវិច្ឆិកា ឆ្នាំ២០២០ ដល់ថ្ងៃទី១២ ខែធ្នូ ឆ្នាំ២០២០ មានចំនួន ៤០នាក់ ( ស្រី ១៩នាក់ និងប្រុស ២១នាក់ )៕
