(សេអ៊ូល)៖ កម្មវិធីប្រគល់ពានរង្វាន់ប្រចាំឆ្នាំដ៏ធំគឺ Mnet Asain Music Award 2020 បានធ្វើឡើងកាលពីរាត្រីថ្ងៃទី០៦ ខែធ្នូ ដែលមានការចូលរួមពីសំណាក់សិល្បករ សិល្បការិនី K-POP ល្បីៗ។ នៅក្នុងនោះផងដែរដូចការរំពឹងទុក ក្រុមចម្រៀងបុរស BTS ទទួលពានច្រើនសន្ធឹក ដោយក្នុងនោះមានពានរង្វាន់ធំបំផុត (Daesang) ចំនួន៤ មានដូចជា ពានរង្វាន់សិល្បករប្រចាំឆ្នាំ, អាល់ប៊ុមប្រចាំឆ្នាំ, បទចម្រៀងប្រចាំឆ្នាំ និងពានរង្វាន់ worldwide icon of the year។

BTS ក៏បានឈ្នះពានរង្វាន់ក្រុមបុរសល្អបំផុត, ពាន best dance performance ផ្នែកបុរស, ពានរង្វាន់វីដេអូចម្រៀងល្អបំផុត និង ពាន worldwide fans’ choice។ សូមរំលឹកថា BTS បានឈ្នះពានរង្វាន់ធំៗទាំង៤ខាងលើ នៅក្នុងកម្មវិធី MAMA រយៈពេល២ឆ្នាំជាប់ៗគ្នា។

សូមជម្រាបផងដែរថាដោយសារតែជំងឺកូវីដ-១៩ កម្មវិធីMAMA នៅឆ្នាំនេះ ត្រូវបានធ្វើឡើងដោយមិនមានទស្សនិកជនចូលរួមឡើយ ពោលគឺត្រូវបានធ្វើឡើងតាមរយៈប្រព័ន្ធអនឡាញ ផ្សាយផ្ទាល់នៅជុំវិញពិភពលោក៕