(ភ្នំពេញ)៖ បេឡាជាតិរបបសន្តិសុខសង្គម ប.ស.ស បានប្រកាសថា ករណីកម្មករនិយោជិតជាជនរងគ្រោះ ត្រូវឈប់​សម្រាកពី​ការងារ ដើម្បីព្យាបាល មិនថានៅមន្ទីរពេទ្យ ឬនៅផ្ទះ (អាស្រ័យលើសំបុត្របញ្ជាក់ពីគ្រូពេទ្យ) កម្មករនិយោជិត នឹងទទួលប្រាក់បំណាច់ប្រចាំថ្ងៃ ៧០% នៃ​ប្រាក់​ឈ្នួល​មធ្យម​ជាប់​ភាគ​ទានប្រចាំថ្ងៃរបស់​ពួកគេ គិត​ចាប់​ពី​ថ្ងៃ​ទី​២ ​បន្ទាប់​ពីថ្ងៃកើតហេតុ រហូតដល់មុខរបួសជាសះស្បើយ។

ប.ស.ស. បន្តថា បន្ថែមពីនេះ បើជនរងគ្រោះនោះ គ្រូពេទ្យ តម្រូវឱ្យមានអ្នកមើលថែ នោះពួកគាត់ នឹងទទួលបានប្រាក់ឧបត្ថម្ភ​ស្មើ​នឹង​ ៥០%

នៃប្រាក់ឧបត្ថម្ភ​របស់​ជនរងគ្រោះ ដែលទទួលបាន។

ប.ស.ស. ក៏បានគូសបញ្ជាក់ថា ថ្ងៃកើតហេតុ ប.ស.ស. មិនផ្តល់ជូនប្រាក់ឧបត្ថម្ភនោះទេ ហើយនិយោជក ជាអ្នកទទួលខុសត្រូវ៕