(ភ្នំពេញ)៖ ក្រសួងធនធានទឹក និងឧតុនិយម នៅថ្ងៃទី១៧ ខែវិច្ឆិកា ឆ្នាំ២០២០នេះ បានចេញសេចក្តីដំណឹង ឲ្យដឹងថា ប្រទេសកម្ពុជាក្នុងរយៈពេលចាប់ពីថ្ងៃទី១៨-២៤ ខែវិច្ឆិកា ឆ្នាំ២០២០ ទទួលរងឥទ្ធិពលនៃសម្ពាធខ្ពស់ពីភាគខាងជើង (ប្រទេសចិន) និងខ្យល់មូសុងឥសានខ្សោយ។

ស្ថានភាពបែបនេះអាចធ្វើឲ្យបណ្តាខេត្តនៅតំបន់វាលទំនាបកណ្តាល នឹងអាចមានភ្លៀងក្នុងកម្រិតពីខ្សោយទៅមធ្យម ចាប់ពីថ្ងៃទី១៨-២២វិច្ឆិកា ចំណែកបណ្តា​ខេត្តជាប់ជួរភ្នំដងរែកវិញ ស្ទើរតែគ្មានភ្លៀង តែបើមានក៏ក្នុងកម្រិតតិចតួចប៉ុណ្ណោះ ប៉ុន្តែសីតុណ្ហភាពអាចចុះដល់២១អង្សារសេ។ រីឯតំបន់មាត់សមុទ្រវិញ អាចមានភ្លៀងខ្សោយទៅមធ្យម ព្រមទាំងមានរលកសមុទ្រធំៗផងដែរ៕