(ភ្នំពេញ)៖ ក្រសួងទេសចរណ៍ នៅថ្ងៃទី៩ ខែវិច្ឆិកានេះ បានចេញលិខិតជម្រាបទៅអភិបាលរាជធានី ខេត្ត បន្តបិទសកម្មភាពអាជីវកម្ម KTV ក្លឹបកម្សាន្ត (ខារ៉ាអូខេ រង្គសាល ឌីស្កូតែក និងបៀរហ្កាឌិន)។

លិខិតរបស់ក្រសួងទេសចរណ៍បានបញ្ជាក់ថា អនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ការរីករាលដាលជំងឺកូវីដ១៩​ ក្រសួង​ទេសចរណ៍បានចេញសេចក្តីណែនាំជាបន្តបន្ទាប់ ក្នុងការបិទសកម្មភាពអាជីវកម្ម KTV ក្លឹបកម្សាន្ត (ខារ៉ាអូខេ រង្គសាល ឌីស្កូតែក និងបៀរហ្កាឌិន) និងមានការចុះត្រួតពិនិត្យជាប្រចាំ។

ជាមួយគ្នានេះ ក្រសួងទេសចរណ៍ណែនាំឲ្យអភិបាលរាជធានី ខេត្ត ត្រូវអនុវត្តឲ្យមានប្រសិទ្ធភាព រហូតដល់មានការជូនដំណឹងជាថ្មី៕