(ភ្នំពេញ)៖ ក្រសួងសុខាភិបាល បានប្រកាសថា មានអ្នកជាសះស្បើយពីជំងឺកូវីដ១៩ ចំនួន ៣នាក់បន្ថែមទៀត កាលពីថ្ងៃទី១៩ ខែវិច្ឆិកា។ អ្នកទាំង ៣ ជាបុរសជនជាតិប៉ាគីស្ថាន ធ្វើដំណើរមកពីប្រទេសឥណ្ឌា មកដល់កម្ពុជា កាលពីថ្ងៃទី៥វិច្ឆិកា និងបុរសជនជាតិខ្មែរ ២នាក់ទៀត ជាអ្នកដំណើរ មកពីប្រទេសជប៉ុន មកដល់កម្ពុជា កាលពីថ្ងៃទី២៦ ខែតុលា ឆ្នាំ២០២០។
កាលពីថ្ងៃទី១៩ ខែវិច្ឆិកា ក៏ត្រូវបានក្រសួងសុខាភិបាល ប្រកាសថា មិនមានអ្នកឆ្លងជំងឺកូវីដ១៩ថ្មីទេ។
គិតត្រឹមម៉ោង ៧ព្រឹកថ្ងៃទី២០ ខែវិច្ឆិកានេះ នៅទូទាំងប្រទេស រកឃើញអ្នកឆ្លងជំងឺកូវីដ១៩ សរុបចំនួន ៣០៤នាក់។ ក្នុងនោះ ២៩៤នាក់ ត្រូវបានព្យាបាលជាសះស្បើយ និង ១០នាក់ កំពុងសម្រាកព្យាបាលនៅមន្ទីរពេទ្យ ( ៩នាក់ នៅមន្ទីរពេទ្យមិត្តភាពខ្មែរ-សូវៀត និង ម្នាក់ នៅមណ្ឌលសុខភាពចាក់អង្រែ រាជធានីភ្នំពេញ )៕
