(ហុងកុង)៖ ប៉ូលិសហុងកុងនៅថ្ងៃពុធនេះបានឱ្យថា ពួកគេបានចាប់ខ្លួនអតីតសមាជិកសភាប្រឆាំងចំនួន ៣ នាក់។ នេះបើយោងតាមការចុះផ្សាយរបស់ CGTN នៅថ្ងៃទី១៨ ខែវិច្ឆិកា ឆ្នាំ២០២០។

អតីតសមាជិកសភាទាំងបីរូប រួមមានលោក Ted Hui លោក Ray Chan និងលោក Chu Hoi-dick ពួកគេត្រូវបានចោទប្រកាន់ពីបទប៉ុនប៉ង ប្រើប្រាស់សារធាតុបង្កគ្រោះថ្នាក់ ដោយមានចេតនាបង្កឱ្យមានការបំផ្លិចបំផ្លាញ បង្ករបួសផ្លូវចិត្ត ឬការខឹងសម្បារដល់អ្នកដទៃ។

ប៉ូលីសបាននិយាយថាអ្នកទាំងបីត្រូវបានជាប់ទាក់ទងនឹងការគប់វត្ថុរាវមានក្លិនស្អុយរំខានដល់ការប្រជុំរបស់សភា។ ទោះជាយ៉ាងណាក្តីករណីនេះស្ថិតនៅក្នុងការស៊ើបអង្កេតនៅឡើយ៕