(សៀមរាប)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសសម្ពោធបើកការដ្ឋានផ្លូវនៅក្រុងសៀមរានបានផ្តាំផ្ញើថា «ដើម្បីយកឈ្នះកូវីដ១៩ គឺត្រូវធ្វើជាអ្នកចាញ់ ជាអ្នកខ្លាច ប៉ុន្តែមិនត្រូវភ័យតក់ស្លុត ស្លន់ស្លោរនោះទេ»។
គិតត្រឹមថ្ងៃទី៣០វិច្ឆិកានេះ សម្រាប់ករណីព្រឹត្តិការណ៍ «សហគមន៍២៨វិច្ឆិកា» គឺកម្ពុជារកឃើញអ្នកឆ្លងកូវីដ១៩ យ៉ាងហោច១៤នាក់។ កម្ពុជាត្រូវយកចិត្តទុកដាក់តាមដានទប់ស្កាត់ការវិវត្តន៍សភាពការណ៍នេះក្នុងរង្វង់ជាង១៤ថ្ងៃ និងមានការចូលរួមគ្រប់មជ្ឈដ្ឋាន ដើម្បីបញ្ចប់ព្រឹត្តិការណ៍សហគមន៍ឲ្យបានលឿន៕



